Iruñerria hiriburuaz eta inguruko herriez osatuta dago. Hiriburuaren inguruko herri txikiak gaur egungo etxegintzaren ondorio izan arren, badira oraindik Erromaniko Aroko eliza politak, Gazolaz eta Zizur Txikian esate baterako, erdi aroko zubi ederrak edota Jorge Oteiza Museoa Alzuzan. Iruñerria mendebaldetik Andiako mendilerroaren ingururaino iristen da, hantxe, hiriburutik 22 kilometrotara, Artetako herria dugu. Herri txiki honetan Etnografi Museoa egoteaz gain, iruindar guztiei ura ematen dien iturburua dago.

Nafarroara hurbiltzen den bisitari orok ezagutzen ditu Iruñeako Sanferminak. Hala ere, urte osoan gozatu daitezke hiriak eta eskualdeak eskaintzen dituen aukera turistiko eta paisaiak. Iruñeak, Nafarroako Foru Erkidegoaren erdian kokatuta, aisialdiaz, arteaz eta gastronomiaz gozatzeko okasio ederrak opa dizkigu.